"బిచ్చగాడు" సినిమా పై నేను అనుకున్న వి అన్నీ దీంట్లో బాగా రాశాడు.

కొన్ని సార్లు మనం అనుకున్న వి అన్నీ ఎవరో రాస్తుంటారు.బిచ్చ్గాడు సినిమా చూసిన తర్వాత నాలో కలిగిన భావాలన్నీ ఈ సైట్ లో ఎవరో గాని బాగా రాశారు అనిపించింది.మీరు ఒక లుక్కేయండి. www.mailing234.blogspot.com

"బిచ్చగాడు" సినిమాపై రివ్యూ

అసలు సినిమా ని తీయడానికి ఎంచుకున్న ఇతివృత్తమే అభినందనీయమైనది.పైగా సాటి మనుషుల్లా కూడా గుర్తింపు కి నోచుకోని బిచ్చగాళ్ళ మీద ..ఒక నిమిషం వాళ్ళ గురించి ఆలోచించేలా చిత్రాన్ని తీసిన దర్శక నిర్మాతల్ని హీరోని మిగతా టీం ని అభినందించాలి.మళ్ళీ బోరు కొట్టకుండా అతి కృత్రిమ సన్నివేశాలు లేకుండా తీయడం వల్ల నావెల్టి వచ్చింది.ఇది తమిళ్ లో పిచ్చైకారన్ అనే పేరుతో రిలీజ్ అయింది,అయితే అక్కడ కంటే తెలుగు లో సూపర్ హిట్ అయి సంచలనం సృష్టించింది.కారణం మన రొడ్డ కొట్టుడు హీరోల స్టార్ డం ఇంకా వెరైటీ గా ఆలోచించడానికి సత్తా లేని తెలుగు సినీ బ్రెయిన్ లు.

ఇప్పటికే ఈ సినిమా టాక్ బయటకి వచ్చి చూద్దామని వెళ్ళాను.ఒక వెరైటీ సినిమా చూసిన అనుభూతి కలిగింది.ఆ హీరో ఎవరి కొడుకైతే ఏమిటి,ఏ కులమైతే ఏమిటి,ఏ భాష వాడు అయితే ఏమిటి...వచ్చిన ఆడియన్స్ ని నిరాశపరచలేదు.అదీ కావాల్సింది.హీరో వోవర్ యాక్షన్ చేయకుండా సహజంగా పరిధి మేరకు చేశాడు.హీరోయిన్ కూడా ఓ కె.ఈ సినిమా కి సంగీతం,నిర్మాత కూడా దీని హీరో విజయ్ ఆంటోని యే.ఎక్కడా బోరు కొట్టలేదు.చివరిలో హృదయం బరువెక్కుతుంది.

ఎన్ టి ఆర్ తో తెలుగు సమాజం లో వచ్చిన మార్పులు

ఈ రోజు మహానటుడు ఎన్ టి ఆర్ జయంతి సందర్భంగా కొంత వెనక్కి తిరిగి చూసుకుంటే ఆయన వల్ల కొన్ని మార్పులు తెలుగు వారి జీవితం లో వచ్చాయి అనే చెప్పాలి.మండల వ్యవస్థ వలన సామాన్యునికి ప్రభుత్వం దగ్గరైంది.బి సి లకి కి కొంత వరకు ప్రాతినిధ్యం చట్ట సభల్లో పెరిగింది.ఇంకా కొన్ని మంచి పనులు జరిగాయి.స్వతహా గా ఆయన అన్ని వర్గాల వారికి మేలు చేయాలనే అనేక కార్యక్రమాలు మొదలుపెట్టాడు.చిత్ర సీమ లో అనితర సాధ్యంగా వెలిగిన ఆయన తన ప్రేక్షక జనాల అభిమానాన్ని కడదాకా మర్చిపోలేదు.అయితే ఆయన లోని బలహీనత ఏమిటంటే రాజకీయ టక్కు టమార విద్యలు వంటపట్టించుకున్నవాడు కాదు.కారణం నూటికి నూరు పాళ్ళు అతను కళాకారుడు మాత్రమే.కనుకనే పక్కన ఉన్నవాళ్ళు పార్టిని కేవలం ఒక కుల ఆధిపత్య పార్టీ గా ,కుటుంబ పార్టీ గా మార్చివేశారు. నిజం చెప్పాలంటే కుల స్పృహ అనేది ఎన్ టి ఆర్ ఆగమనం తో తెలుగు సమాజం లో ఉధృతం గా పెల్లుబికింది.మిగతా కులాల వాళ్ళు తమ కింద ఉండాలనే భావన పెరిగి దాన్ని కింది స్థాయి కార్యకర్త నుంచి అమలు చేశారు.దానివల్ల మిగతా కులాల్లో కూడా అసహనం పెరిగింది.దాని వల్లనే పది ఏళ్ళు అజ్ఞాతవాసం చేయవలసి వచ్చింది.రాష్ట్రం విడగొట్టబడటం వల్ల కాంగ్రెస్ ఘోరంగా దెబ్బతిని ఇప్పుడు టి డి పి అధికారం లోకి వచ్చింది. అది మర్చి పోరాదు.

విచిత్రం గా ఎన్ టి ఆర్ ని అత్యంత ఘోరంగా అవమానించిన కుటుంబ సభ్యులు  ..ఆ వంశం..ఈ వంశం ..అని చెప్పుకుంటూ ఇప్పుడు పొగడ్తలు కురిపిస్తుంటే జనానికి నవ్వు రాక చస్తుందా..?అదేమిటో గాని ఒక డ్రమటైజేషన్ లేదా నాటకీయత అనేది పాలన లో చొప్పించడం కూడా ఎన్ టి ఆర్ తో ప్రారంభమై ఇంకా అది కంటిన్యూ అవుతోంది.కొత్త రాజధాని కోసం కబుర్లు,సెంటిమెంట్ డైలాగు లు వింటూంటే ఏవగింపు కలుగుతోంది.అసలు రాజధానికి అంత డ్రామా అవసరమా...అనేక రాష్ట్రాలు విడిపోయాయి..క్రమేపి అలా పురోగమించుకుంటూ  ముందుకు పోతున్నాయి.వాళ్ళెవరూ ఇలాంటి సినిమాటిక్ డైలాగులు చెప్పగా వినలేదు.రాజధాని అనేది ఉన్న పాళంగా ఒకేసారి ప్రపంచ స్థాయి లో కట్టేయాలనుకోవడం పిచ్చివాడి కల లాంటిది.ఏ ప్రపంచ స్థాయి నగరం అలా కట్టబడలేదు..కాలం గడుస్తున్న కొద్దే అలా అవి ఎదిగాయి.సమయం పడుతుంది దేనికైనా..కాని ఆ పేరు మీద ఎన్ని వేల ఎకరాలు సేకరించబడ్డాయి..కాని ఏమి జరుగుతోందక్కడ..? ఎంత సేపు ఆ పార్టీ ఈ పార్టీ అని కాదు ...ఆ కులం ఈ కులం అని కాదు..నిజమైన క్రాంత దర్శనం ముందుకి అడుగు వెయ్యాలి.

వోడ్కా విత్ వర్మ పుస్తకం ని చదివిన తర్వాత....

ఇది రాయాలనిపించింది.రెండు రోజుల క్రితం చదివాను.సిరాశ్రీ రాసిన  మరియు సేకరించిన ఇంటర్యూలు అన్నీ కలిపి ఈ పుస్తకం తయారైంది.ఒక ప్రవక్త స్థాయి లో రాం ని ఫోకస్ చేయాలనుకున్నా  ఎందుకనో తేలిపోయింది.మొత్తం మీద ఒక డ్రంకార్డ్ గా కొన్ని హిట్ సినిమాలు తీసిన డైరెక్టర్ గా రీడర్ కి అవగాహన ఏర్పడుతుంది. రాము మేనమామ ఒకతను మాత్రం బాగా ఉన్నదున్నట్లు చెప్పాడు.బటర్ బ్యాచ్ ని పక్కన పెట్టుకొని నానా చెత్త సినిమాలు సినిమాలు తీస్తున్నాడని ఆ వ్యవహారాలు కట్టిపెడితే మళ్ళీ మంచి సినిమాలు తీయగలడని చెప్పాడు.అది మాత్రం కరెక్టే.ప్రతి ఒక్కళ్ళ మీద ఫైర్ బ్రాండ్ కామెంట్లు చేసే వర్మ ఆ విషయాల్లో సెలెక్టివ్ గా ఉంటాడని సిరాశ్రీ యే ఒక చోట చెప్పాడు.ఎవరైతే సాఫ్ట్ టార్గెట్ లుగా ఉంటారో వాళ్ళ మీద మాత్రమే ట్వీట్ తుంటాడు తప్పా ఏ బాలకృష్ణ నో, ఇంకా ఏ చంద్ర బాబు నో ఎందుకని కామెంట్ చేయలేడు అని మనకీ ఈ పుస్తకం చదివిన తర్వాత అనుమానం వస్తుంది.అతను మొదటి నుంచి ఇదే తరహా వ్యక్తి అయితే అసలు ఈ మాత్రం అయినా పైకి వచ్చేవాడు కానే కాదు.చాలా తెలివి గా తన ఫైల్యూర్స్ ని కప్పి పెట్టుకుంటూ అక్కడక్కడ కొన్ని కొటేషన్ లని చెప్పుకుంటూ బండి లాగిస్తున్నాడు.సరైన హిట్ సినిమా తీసి అసలు చాలా ఏళ్ళయింది.నీషే,అయాన్ రాండ్ అంటూ చెప్పే కబుర్లు ఏ ఇంగ్లీష్ పుస్తకాల్ని పెద్దగా చదవని వాళ్ళకి అద్భుతం అనిపించవచ్చునేమో కాని ఆయా దేశాల్లో వాళ్ళ ఫిలాసఫీలు చాలా అవుట్ డేటెడ్ ..ఆ పిమ్మట ఎన్నో ట్రెండ్స్ వచ్చాయి...ఏది లేని చోట వెంపలి చెట్టే మహా వృక్షం మరి.

నిజమైన ప్రతిభా విశేషం ఈరోజు కాకపోతె వందల ఏళ్ళకైనా బయటబడితీరుతుంది

నిజమైన ప్రతిభా విశేషం ఈరోజు కాకపోతె వందల ఏళ్ళకైనా బయటబడితీరుతుంది...ఆ ఉదంతమే ఇది . స్వర్ణ కమలం సినిమా ..అదే ..విశ్వనాధ్ గారు తీసింది చూసే ఉంటారు.దాంట్లో ఒక పాట..కొలువై ఉన్నాడే దేవదేవుడు..అనే పాట ఒకటున్నది.భాను ప్రియ కూడా అద్భుతమైన నాట్యం చేస్తుంది దానికి.ఆ సినిమా లో ఆ పాట విన్నాక అబ్బా సీతారామ శాస్త్రి భలె రాసేడే అని ఆనందమనిపించింది.నిజానికి సీతారామ శాస్త్రి నా దృష్టి లో పెద్ద హృదయాన్ని ఊపేయగల కవి ఏమీ కాదు.భాష ని,భావాన్ని,ఇతర చమక్కుల్ని కొత్త అంచులకి తీసుకెళ్ళగలిగిన సత్తా అతని లో శూన్యం.అతని పాట ఏదీ లోపలకి వెళ్ళి తగలదు...ట్యూన్ కి తగిన పదాల్ని అలా పేర్చినట్లు ఉంటాయి పదాలు.ఒక వేళ పల్లవి లో లైన్లు బాగున్నా చరణాలు అర్ధం పర్ధం లేకుండా పేర్చినట్లు ఉంటాయి. ఈ విష్యం లో నా ఆల్ టైం ఫేవరైట్ వేటూరి గారే.ఆ చమక్కు..అది క్లాస్ పాటైనా ..బూతు పాటైనా..ఆ యిదే వేరు. ఆ ఇప్పుడు అసలు విషయానికి వస్తున్నా...ఆ స్వర్ణ కమలం లోని ఆ పాట " కొలువై ఉన్నాడే " అనేది 17 వ శతాబ్దం లో తంజావుర్ ని పాలించిన మరాఠా పాలకుడు షహజీ మహరాజ్ రాసిన శంకర పల్లకి సేవ అనే ప్రబంధము లోనిదని తెలిసింది.దానిలోని పదాల పోహళింపు ..ఆ గమ్మత్తే వేరు..ఈ సారి మళ్ళీ విని చూడండి.ఆ మహానుభావుడి కైతకి ఇన్ని నాళ్ళకి ఇలా పేరు రావలసి ఉందేమో.

బాలకృస్ణ సంస్కార రాహిత్యం

పేపర్ల లో వచ్చిన ఫోటొలు,డైలాగులు ముఖ్యంగా సినీ నటుడు బాలకృస్ణవి చూసినపుడు అసలు ఏ విలువలు కేసి వీళ్ళంతా దేశాన్ని తీసుకుపోతున్నారు అని అనుమానం రాక మానదు.మనం జీవిస్తున్నది ప్రజాస్వామ్య దేశం లో.ప్రజా జీవితం తో ముడిపడి ఉన్న ప్రతి దాన్ని ఇక్కడ ప్రశ్నించే హక్కు పౌరులకి ఉంది.ఆ నటుడు ఒక్క సినీ నటుడిగా ఉంటే ఫర్వాలేదు,ఒక శాసన సబ్యుడు కూడా.అలాంటప్పుడు ఎంత బాద్యత గా వ్యవహరించాలి.కాని దానికి విరుద్ధం గా ఉంది విషయం. మొన్నటికి మొన్న ఆడవాళ్ళని కించపరిచేలా కామెంట్లు,ఆ పైన రోమియో మాదిరి గా క్రికెట్ గ్రౌండ్ లో చొక్కా విప్పి ధూమపానం చేస్తూ పోజుకొట్టడం,ఈ మధ్యనే కె.సి.ఆర్. కి సినిమా ఇన్విటేషన్ ఇస్తూ నెత్తి మీద కి కళ్ళ జోడు పెట్టుకొని పోజు ఇవ్వడం..ఇవన్నీ ఆయన అజ్ఞాన ,అహంకార ధోరణులకి నిదర్శనం. వీళ్ళ చుట్టూ ఉండే కోటరి కూడా అలాంటిదే.ఎంత మర్యాద గా ,సభ్యత గా ప్రవర్తిస్తే తాము అంత చులకన అయిపోతానేమొనని వీరి సగం మెదడు లోని ఆలోచన.అభిమానులు కూడా
 ఇవి చూసి అదే గొప్ప లా ఫీలవ్వడం.అది ఇంకా దుర్దృష్టకరం.తమ పార్టి అధికారం లోకి వచ్చింది అంటే తమ కులానికి అధికారం జనాలు ఇచ్చారనే భ్రమలో మన నేతలు ఉండడం విచారకరం.దాన్ని తైనాతీ  పత్రికలు,వర్గాలు పోషించడం ఇంకా ఘోరం.ఆ మధ్య పద్మ అవార్డ్ ల నామినేషన్ లు ఒకే వర్గం వారివి  సెంటర్ కి పంపించడం కూడా కరుడు గట్టిన కుల అహంకారానికి నిదర్శనం. అంటే మిగతా ప్రజల ఓట్లు లేకుండానే వీరు గద్దెనెక్కారా..?

తెలంగాణా ని ఇచ్చిందనే ఎమోషన్ లో కాంగ్రెస్ ని కోస్తా లో తుడిచి పెట్టడం కూడా అర్ధ రహితం.ఆ పార్టీ గాకపోతే బి.జె.పి.అయినా ఇచ్చేదే.చంద్ర బాబు నుంచి వెంకయ్య దాకా తెలంగాణా ని దొడ్డిదోవలో సమర్దించినవారే,ఆ మేరకు అక్కడ రాసిచ్చిన వారేగదా.దాదాపు మూడేళ్ళకి దగ్గర్లో పడుతున్నది,కేంద్రం ఆంధ్ర పట్ల సవతి తల్లి ధోరణి నే ప్రదర్శిస్తున్నది.నరేంద్ర మోడి కి ప్రతిదీ తెలుసు..తనని గతం లో ఎలా తూలనాడింది..గుజరాత్ ఘర్షణల్లో అవలంబించిన వైఖరి..అదంతా..!మళ్ళీ ఇప్పుడు అవసరార్ధం ఏదో మెచ్చుకోలు కబుర్లు చెబితే కరిగిపోయే వ్యక్తి కాదాయన.పెద్ద పెద్ద అంతస్తులున్న ఫోటోల్ని  చూపిస్తూ..ఇదిగిదిగో ఇలా ఉంటుంది మన రాబోయే రాజధాని అంటూ ఊరించటమే తప్ప జరుగుతున్నదేమీ లేదు.

 

  

సంతోషం..మాలిక అగ్రిగేటర్ పనిచేస్తొంది ఈ రోజు చూస్తే..!

గతం లో అంటే ఈ నెల 24 న నేను పెట్టిన పోస్ట్ లో మాలిక అగ్రిగేటర్ పని చేయకపోవడం తో కించిత్ బాధ తో ఆవేదన చెందాను.అయితే ఈ రోజు చూస్తే చక్కగా పని చేస్తున్నది.చాలా సంతోషం..ఇలాగే మాలిక పది కాలాల పాటు వర్దిల్లాలి.