జైలర్-2 సినిమా ఎలా ఉందంటే..?

రజనీ కాంత్ తన వయసు ని దృష్టి లో పెట్టుకొని చాలా మంచి టెక్నిక్ అనుసరిస్తున్నాడు. గతం లో మాదిరి గా ఫైట్లు అవీ చేయడం కష్టం. కనుక ఆ పార్ట్ ల్ని మిగతా హీరోలకి ఇచ్చేశాడు.మోహన్ లాల్,జాకీ ష్రాఫ్,మిథున్,శివ రాజ్ కుమార్, లాంటి ఇతర పెద్ద హీరోల్ని దన్నుగా తెచ్చుకోవడం తో అది తమిళేతర మార్కెట్ ల్ని దున్నేసింది.కథ చెప్పబోవటం లేదు. ఇప్పటికే చాలా మంది చూసి ఉంటారు. హిట్ అయితే మాత్రం రజనీ కాంత్ సినిమా హిట్ అనే టాక్ వస్తుంది. కానీ భలే తెలివి గా ఈ వయసు లో కూడా రజనీ తన ఇమేజ్ ని ఎన్ క్యాష్ చేసుకోవడం మాత్రం సూపర్. కుటుంబాన్ని విలన్స్ నుంచి కాపాడుకోవడం అనే కాన్సెప్ట్ తో , మంచి ట్విస్ట్ లతో కథ రాసుకోవడం ప్లస్ పాయింట్. 

ఇక్కడ మన తెలుగు స్టార్లు మాత్రం మీసాల పిల్లా అంటూ ఒకరు,గిర గిరా శూలాలు తిప్పుతూ ఇంకొకరు, ముసలితనం కొట్టొచ్చినట్టు కనిపిస్తున్నా  ఇంకా తాము యంగ్ అనే భ్రమ లోనే సినిమాలు తీసిపారేస్తున్నారు. అన్ని భాషల సూపర్ స్టార్లకి తన జైలర్ లో అవకాశం ఇచ్చిన రజనీ మన తెలుగు వాళ్ళకి ఆఫర్ పంపలేదా? ఏమో , అది మనకి తెలియదు. ఏమైనా రజనీ తెలివైన ఫార్మట్ ని ఎన్నుకున్నాడు ప్లస్ వయసు కి తగ్గట్టు తెల్ల వెంట్రుకలతోనూ కనిపిస్తున్నాడు.      

ఈ సినిమా ని చివరి దాకా చూస్తే ఒక మధురమైన కవిత ని చదివిన అనుభూతి కలుగుతుంది.

 నెట్ ఫ్లిక్స్ లో ఈమధ్య చూసిన మళయాళం సినిమా "నాంపకల్ నేరతు మయక్కం" (మధ్యానం నిద్ర లాగా) గురించి రెండు ముక్కలు రాయాలనిపించింది.మమ్మూట్టి ప్రధాన పాత్రధారి. ఎలాంటి అంచనా లేకుండా చూస్తూ పోయాను.చివరకి ఒక గమ్మత్తు అనుభూతి కలిగింది. కథ వింత గా చాలా చిన్నది.దాన్ని డెవెలప్ చేసిన విధానం మటుకు ఆగకుండా చూసేలా చేసింది. ఒకా ముక్కలో చెప్పాలంటే, కేరళ లో నివసించే జేంస్  (మమ్మూట్టి) తన బంధుమిత్రులతో కలిసి తమిళనాడు లోని వెళంకన్ని మాత ని దర్శించుకోవడానికి ఒక మినీ బస్ లో బయలుదేరుతాడు. వచ్చేటప్పుడు ఉన్నట్టుండి ఒక గ్రామం లో దిగిపోతాడు.మిగతా అందరూ నిద్రపోతుంటారు.డ్రైవర్ కూడా లఘు శంక తీర్చుకోవడానికేమోనని అడిగిన వెంటనే బస్ ఆపుతాడు. 

 ఆ గ్రామం తమిళనాడు లోది.అక్కడి సంస్కృతి అంతా వేరుగా కనబడుతూనే ఉంటుంది. మమ్మూట్టి తనకి ఆ గ్రామం బాగా తెలుసు అన్నట్లు గా గబ గబా ఒక ఇంట్లోకి వెళతాడు.తన వంటి మీది బట్టలు తీసేసి అక్కడ ఆరేసిన బట్టలు వేసుకుంటాడు.ఆవు కి గడ్డి తినడానికి గాను ఒక మోపు ని తెచ్చి వేస్తాడు.ఇంట్లో ఉన్న టివిఎస్ ని ఉపయోగిస్తూంటాడు.తమిళ భాష లో ధారళంగా కలిసిన వారందరి తో మాట్లాడుతుంటాడు.ఇంట్లో వాళ్ళు తమ కుటుంబ సభ్యుడైన సుందరం కేరళ కి వెళ్ళి ఎన్నో రోజులు అయినా తిరిగి రాలేదని దిగుల్లో ఉంటారు. తానే సుందరం అన్నట్లుగా ఈ మమ్ముట్టి ప్రవర్తిస్తుంటాడు. అయితే ఈ గ్రామం లోని వాళ్ళంతా ఇతని మతి చెడిపోయిందని సానుభూతి తో చూస్తుంటారు.

మమ్ముట్టి బంధుమిత్రులు వెతుక్కుంటూ వచ్చి నివ్వెరపోతారు.స్థానికుల సహకారం తో మమ్ముట్టి మధ్యానం పడుకున్నప్పుడు మత్తు ఇంజెక్షన్ వేసి బస్ లో ఎక్కించుకుని పోవాలని ప్లాన్ చేస్తారు. ఇక్కడి తో ఆపుతాను. ఇంకా చెబితే సస్పెన్స్ పోతుంది. వీలైతే తప్పకుండా దీన్ని నెట్ ఫ్లిక్స్ లో చూడండి. ఈ సినిమా ని చివరి దాకా చూస్తే ఒక మధురమైన కవిత ని చదివిన అనుభూతి కలుగుతుంది.మమ్మూట్టి తాను సూపర్ స్టార్ ని అని కాకుండా ఒక నటుడిని మాత్రమే అన్నట్లుగా ప్రవర్తించడమే చిత్రానికి ఒక నిండుదనాన్ని తెచ్చింది.కొన్ని ప్రతీకలు ఈ సినిమాలో ఆలోచింపజేస్తాయి.వాటిని అర్ధం చేసుకోవడానికి కూడా కొంత జ్ఞానం అవసరం. దర్శకుడు లిజీ జోస్. 2026 లో ఈ సినిమా కి గాను మమ్ముట్టికి కేరళ స్టేట్ ఉత్తమ నటుడు అవార్డ్ వచ్చింది. 

"మండాడి " సినిమా గురించి

 

ఇదేదో రెగ్యులర్ గా వచ్చే తమిళ్ డబ్బింగ్ సినిమా అనుకుని కాస్త ఆలశ్యంగా చూశాను.అదీ ఒక మిత్రుని సలహా మేరకు. చూసిన తర్వాత చాన్నాళ్ళకి ఒక మంచి సినిమా చూసిన అనుభూతి కలిగింది. ఈ సినిమా లో చెప్పాలంటే కథ యే మొదటి హీరో. అసలు తమిళనాడు లోని మత్స్యకారులు,వాళ్ళ జీవనం ,పడవ పందాలు తీసుకుని ఒక చక్కని కథ అల్లిన ఈ సినిమా కథకునికి,దాన్ని చక్కగా తెరకి ఎక్కించిన దర్శకుడు మదిమారన్ పుగళేంది కి హేట్సాఫ్ చెప్పాలి.

డబ్బింగ్ వెర్షన్ లో కథ ని కళింగసీమ కి ఆపాదించిన వైనం పడుగూపేక లా కలిసిపోయింది.సూరి,సుహాస్ పాత్రలకి జీవం పోశారు. గొప్ప సెట్టింగులు,మిరుమిట్లు గొలిపే కాస్ట్యుంలు, లేనిపోని చెత్త ఎలివేషన్లు లేకుండా ఒక ప్రాంత జీవితాన్ని నూతనంగా ఆవిష్కరించితే ప్రేక్షకులు ఎలా బ్రహ్మరథం పడతారో ఈ మండాడి చిత్రమే ఒక ఉదాహరణ.

ప్రతి వృత్తి లోనూ ఎన్నో తెలుసుకోవలసిన అంశాలు ఉంటాయి. తెల్లారి లేస్తే, సుడిగుండాలు ఏర్పడినపుడు మత్స్యకారుల కోసం మీడియా హెచ్చరికలు ఇవ్వడం చదువుతూ వింటుంటాం.కాని అలాంటి మత్స్యకారుల జీవితాల్లో ఎలాంటి ఆసక్తికరమైన,సాహసోపేతమైన ఘట్టాలు ఉంటాయో అందమైన సినిమా కథ గా మనకి చూపించినది ఈ మండాడి.

తాజాగా అందుతున్న వార్తల ప్రకారం 125 కోట్ల కలెక్షన్లను రాబట్టినట్లు తెలుస్తోంది. దీని కథ ని అనుభూతి చెందాలంటే ఎలాంటి ఎక్స్పెక్టషన్స్ లేకుండా వెళ్ళి చూడండి.అంతే.  

వరవు (మళయాళం సినిమా)

ఇటీవల అనుకోకుండా జీ5 లో ఒక మళయాళం సినిమా చూశాను. వరవు దాని పేరు.జోజు జార్జ్ హీరో. షాజీ కైలాస్ దర్శకుడు.ఈ జోజు జార్జ్ సినిమాలు గతం లో కొన్ని చూశాను.సహజం గా బాగుంటాయి.మనిషి రఫ్ గా ఉన్నట్లు కనిపించినా అన్నీ రసాలు బాగా పండిస్తాడు. ఈ సినిమా క్రైం థ్రిల్లర్ అని చెప్పాలి. కేరళ లోని ఒక గ్రామం లో జరిగే కథ. పెరోల్ మీద వచ్చిన జోజు జార్జ్ ని చంపడానికి కొంత మంది చంపడానికి ప్రయత్నం చేస్తుంటారు.

దానికి కారణాలు ఏమిటి,జార్జ్ గతం ఏమిటి? అనేది తెలుసుకోవాలంటే సినిమా చూడాలి.ఇద్దరు అన్నదమ్ముల మధ్య చిచ్చు రేపి ఒక కుటుంబాన్ని నాశనం చేయాలని చూసిన విలన్ ని హీరో ఎలా మట్టి కరిపిస్తాడు అనేది ఆసక్తిదాయకం గా ఉంటుంది.విలన్ గా చేసిన మురళీ గోపి ఎక్కువ మాకులు కొట్టేసాడు అని చెబితే అతిశయోక్తి కాదు. ఫోటోగ్రఫీ సూపర్ గా ఉంది.సినిమా ఎక్కడా విసుగు అనిపించదు.వాణీ విశ్వనాథ్,సుకన్య లాంటి తెలిసిన ఆర్టిస్ట్ లు కూడా ఉన్నారు. వీలైతే ఓటిటి లో చూడవచ్చు. 

రష్యా-యుక్రెయిన్ యుద్ధం లో బడుగు దేశాల ప్రజలు బలి

గత శుక్రవారం సుప్రీం కోర్ట్ ఒక తీర్పు ఇచ్చింది. అదేమిటంటే రష్యా వెళ్ళి  అక్కడి యుద్ధం లో ఫాల్గొని మరణించిన మరియు గాయపడిన వ్యక్తులకి సహాయ కార్యక్రమాలు చేపట్టడానికి ఒక నోడల్ ఆఫీసర్ ని నియమించమని విదేశాంగ శాఖ ని కోరింది. ఈ వార్త చూడగానే అసలు వీళ్ళు ఎందుకు వెళ్ళి ఆ యుక్రెయిన్ రష్యా యుద్ధం లో ఫాల్గొన్నారు అనే సందేహం రావడం ఎవరికైనా సహజం. కొన్ని రిక్రూట్మెంట్ ఏజెన్సీ లు వీరిని కార్పెంటరీ,కన్స్ట్రక్షన్ ఇంకా చిన్నా చితకా ఉద్యోగాలకి మంచి జీతం వస్తుందని రష్యా తీసుకెళ్ళి వదిలేశారని,అక్కడ వీరిని బలవంతంగా ఆర్మీ లోకి వినియోగించుకున్నారని ఆ తర్వాత వార్తలు వచ్చాయి.ముఖ్యంగా రాజస్థాన్,హర్యానా,పంజాబ్ నుంచి వెళ్ళారు. 

అయితే ఇది పూర్తిగా నమ్మదగినదా అంటే కూడా సందేహమే. రష్యా కి ప్రస్తుతం ఫ్రంట్ లైన్ లో ఉండి పోరాడే సోల్జర్స్ కావాలి.స్థానికులు ఆర్మీ లో చేరడానికి నిరాసక్తత చూపించడం వల్ల రష్యా మాత్రమే కాదు యుక్రెయిన్ కూడా విదేశాల నుంచి ముఖ్యంగా ఆసియా,ఆఫ్రికా ఇంకా ఇతర ప్రాంతాల నుంచి సైనికుల్ని రిక్రూట్ చేసుకుంటున్నారు.రకరకాల డిసెప్టివ్ నెట్ వర్క్ ల ద్వారా పెద్ద ఎత్తున వేతనాల్ని ఇంకా సిటిజెన్ షిప్ ని ఆశ చూపి చేర్చుకుంటున్నారు. అయితే వీళ్ళు చనిపోతే కనీసం శవాల్ని కూడా తిరిగి ఇవ్వడం లేదు. మన దేశం నుంచి వెళ్ళిన వాళ్ళలో  41 మంది చనిపోతే, శవాలు యుద్ధభూమి లో వెదకి ఇవ్వడం కష్టమైన పని రష్యన్ అధికారులు చెప్పారు.

ఉక్రెయిన్ దేశం దాదాపు 100 దేశాల నుంచి విదేశీ సైనికుల్ని రిక్రూట్ చేసుకుంది.కెన్యా,జింబాబ్వే,ఈజిప్ట్,ఘనా లాంటి పేద దేశాల నుంచి ఎక్కువ మందిని రిక్రూట్ చేసుకుంది. వీరిలో ఎక్కువమంది వారం కూడా బ్రతకడం కష్టం.ఎందుకంటే ఫ్రంట్ లైన్ లో ఉండే వారిపై ముందుగా దాడులు జరుగుతాయి.ఆ విషయం వాళ్ళకి తెలుసు కాబట్టే తమ పౌరుల్ని సాధ్యమైనంత ఎక్కువమందిని కాపాడుకోవడానికి ఈ వ్యూహం అవలంబిస్తున్నారు. ఇప్పటి దాకా ఉక్రేయిన్ 4000 మందిని విదేశాల నుంచి రిక్రూట్ చేసుకోగా,రష్యా 18000 మందిని రిక్రూట్ చేసుకుంది. ఇవి ఇంకా సాగుతూనే ఉంటాయని అంతర్జాతీయ మీడియా చెబుతోంది.

నార్త్ కొరియా కి చెందిన ఇలాంటి కిరాయి సైనికులు మూడు వారాల్లో పదివేలమంది చనిపోయారు. ఆఫ్రికన్ దేశాల నుంచి వెళ్ళిన వారిలో కూడా కొన్ని వందల మంది మరణించినట్లు భోగట్టా. వెనిజులా నుంచి వెళ్ళిన వారిలో కొంతమంది మరణించగా,వారి బంధువులు యుక్రెయిన్ దేశం ఇస్తామన్న పరిహారం కోసం వెళ్ళగా రిక్తహస్తం చూపారు. మొదటి,రెండవ ప్రపంచ యుద్ధాల్లో ధనిక దేశాల ప్రయోజనాల కోసం మన దేశం లాంటి బడుగు దేశాలు ఎలా సైన్యం లో చేర్పించబడి ప్రాణాలు పోగొట్టుకున్నారో మనకి తెలుసు. అలాంటి సంఘటనలు ఇప్పటికీ జరుగుతూనే ఉంటాయనడానికి ప్రస్తుతం జరుగుతున్న రష్యా-యుక్రెయిన్ యుద్ధమే సాక్షి అని చెప్పవచ్చు.   

--- మూర్తి కెవివిఎస్

ఒడిస్సీ చిత్రం : ఒక పరిశీలన

క్రిస్టఫర్ నోలన్ దర్శకత్వం లో ఇటీవల వచ్చిన ఒడిస్సీ సినిమా అన్నీ ప్రధానమైన భారతీయ భాషల్లోకి అనువదింపబడి మంచి కలెక్షన్లు రాబడుతోంది. క్రీ.పూ.8 వ శతాబ్దం లో గ్రీకు కవి హోమర్ 700 పద్యాల్లో రాసిన ఒడిస్సీ అనే మహాకావ్యం యొక్క సారాంశం ఈరోజున మన దేశం లోని ప్రతి మూలకి ఈ సినిమా ద్వారా విస్తరించింది.

నూటికి నూరు పాళ్ళు ఆ కావ్యం లో ఉన్నట్లు సినిమా తీయడం అసాధ్యం. కాబట్టి కొంత స్వేచ్ఛని దర్శకుడు తీసుకున్నా తప్పుబట్టనవసరం లేదు. గతం లో అనేక సినిమాలు,వెబ్ సిరీస్ లు ఇదే కథ ని ఆధారంగా చేసుకుని వచ్చాయి.

 అయినప్పటికీ ప్రస్తుత సినిమా ప్రత్యేకత వేరు. ప్రపంచ ప్రసిద్ధి పొందిన మహా కావ్యాలు అన్నిటి లోనూ ఒక దగ్గరితనం,పోలిక ఉంటుంది.అందుకనే అవి ఏ భాష లో వచ్చినా మనిషి మనసు ని ఆకట్టుకుంటాయి.కథానాయకుని ధీరోదాత్త గుణం, ఎన్నో కష్టాల్ని ఎదుర్కుని చివరకి విజయం సాధించడం,నమ్మిన విలువల కోసం చివరికంటా నిలబడటం ఇవన్నీ ఆయా కావ్యాల్లో అంతర్లీనం గా ఉంటాయి.

ఒడిస్సీ చూసిన చాలామంది రామాయణం కి దగ్గరగా ఉంది అనడం వినబడుతోంది. దానికి కారణం అదే. ఆ విశ్వజనీనమైన ఆకాంక్షల్ని ప్రేక్షకులు అనుభూతించడమే దాన్నికి కారణం.

కథ విషయానికి వస్తే,ఇథాకా దేశపు రాజు ఒడిస్యూస్ ట్రోజన్ యుద్ధం లో ఎన్నో మాయోపాయాలతో గెలుస్తాడు.చెక్క గుర్రం లో తన అనుచరులతో పాటు దాక్కుని తగిన సమయం లో బయటకి వచ్చి శత్రు రాజ్యాన్ని గెలుస్తాడు.

ఇదంతా ఒక ఎత్తయితే అక్కడి నుంచి మళ్ళీ తన రాజ్యానికి రావడం లో ఎన్నో పరీక్షల్ని ఎదుర్కుంటాడు.తిరిగివచ్చే క్రమం లో 20 ఏళ్ళు పడతాయి.ఈలోపు రాజ్యం లో ప్రధాన నాయకుడు కుట్ర చేసి అంతహపురం ని తన చేతిలోకి తెచ్చుకుండానికి ప్రయత్నిస్తుంటాడు. రాణి,తన కుమారుడు,పాత అనుచరులు తనని ఏ మేరకు ఆమోదిస్తారో తెలియదు.

ఇలాంటి క్లిస్ట పరిస్థితుల్లో ఒడిస్యూస్ ఏ విధం గా తన రాజ్యం లోకి ప్రవేశించాడు,ఎలా తిరిగి రాజ్యాన్ని వశపరుచుకున్నాడు అన్నదే కథ. సినిమా లో గ్రాఫిక్స్ కంటే సహజత్వానికే ప్రాధాన్యతనిచ్చారు.హీరో మాట్ డామన్ ఒడిస్యూస్ పాత్ర కి చక్కగా సరిపోయాడు.పెనెలోప్ గా అన్నా హాథవే నటించింది.

గ్రీకుల నగర రాజ్య స్వరూపాన్ని దర్శకుడు మన కళ్ళముందుంచాడు.యూరోపియన్లు గాని,అమెరికన్లు గాని,ఇతర పశ్చిమ దేశాల వారు గాని ఈ గ్రీకు కావ్యాలే జాతీయ కావ్యాల వంటివి.అయితే మన దేశం లో సైతం ఈ సినిమా ఎందుకు హిట్ అయింది అంటే సార్వజనీన కథాంశం.చక్కని సంగీతం.హృదయాన్ని ఆకట్టుకునే సన్నివేశాలు.అన్ని వయసుల వారు హాయిగా చూడవచ్చు.  

--- మూర్తి కెవివిఎస్ 

#Odyssey #review #opinion

ఎంతసేపు పుచ్చు పాలిటిక్స్ తప్పా కళ ని గౌరవించడం అనేది జాంతా నై

 

సుప్రసిద్ధ గాయని ఎస్.జానకి గారు జూలై 11 వ తేదీనాడు మైసూరు లోని ఓ ప్రైవేట్ వైద్యశాల లో మరణించారు. ఆమె చివరి శ్వాస మైసూరు లోనే వదలాలని నిర్ణయించుకున్నట్లు అర్థమవుతోంది.అక్కడ కూడా లో ప్రొఫైల్ లోనే జీవించినట్లు తెలుస్తోంది. బాలు మరణాంతరం ఆయనకి తెలుగు రాష్ట్రాలు ఇచ్చిన గొప్ప గౌరవం తెలుసు గనక ఆ కన్నడనాడు లోనే చివరి దినాలు ఆమె గడిపారు. నిస్సందేహంగా కళాకారుల్ని గౌరవించడం లో మన తెలుగు వాళ్ళ కంటే మిగతా దక్షిణాది రాష్ట్రాలు మిన్న అనే సంగతి ప్రతి ఒక్కరికి తెలుసు.పోయిన తర్వాత లేనిపోని రాద్ధాంతాలు చేసి, అప్పుడు కూడా పుచ్చు పొలిటిక్స్ చేసి సంతోషించే జీవులు తెలుగులు తప్పా మరెవరూ ఉండరు.  

నోటి తో కబుర్లు చెప్పడం తప్పా చేతల్లో గౌరవం ఇవ్వడం ఉండదు.మన దగ్గర గల్లీల దగ్గర్నుంచి,ఎయిర్పోర్ట్ ల వరకు అన్నీ రాజకీయ పక్షుల పేర్లే తప్పా మిగతా ఎవరి గొప్పదనాన్ని అంగీకరించం.అదే తెలుగు ప్రజల ప్రత్యేకత.బాలు పోయినప్పుడు తమిళులు గాని,జానకి గారు పోయినప్పుడు కన్నడిగుల ఆవేదన గాని కళ కి వారు ఇచ్చే గౌరవానికి మచ్చుతునక.దక్షిణాది లోని ఆ మూడు రాష్ట్రాల్లో బాలు కి ఇంకా విగ్రహాలు పెడుతూనే ఉన్నారు.అనేక నిర్మాణాలకి కూడా ఆయన పేర్లు పెడుతున్నారు.