మొత్తానికి ఆఫ్ఘనిస్తాన్ లో తాలిబన్లది ప్రస్తుతం పై చేయి అయ్యింది. కాబుల్ లోకి వచ్చి హల్ చల్ చేస్తూన్నారు.మరి చూద్దాం రానున్న రోజుల్లో ఇంకా ఎన్ని మలుపులు ఉంటాయో...మరో వైపున ఉపాధ్యక్షుడు అమ్రుల్లా సలాహ్ చివరి దాకా పోరు కొనసాగిస్తామని,ఇప్పటికే ఓ ప్రాంతాన్ని తాలిబన్ల నుంచి మళ్ళీ వెనక్కి గెలుచుకున్నామని ప్రకటించాడు.అసలు ఆఫ్ఘన్ ఎప్పుడూ యుద్ధ క్షేత్రమే...వంక ఏదైతేనేమి..! విదేశీ పాలనని ఎంతమాత్రం సహించని స్వేచ్ఛా ప్రియులు వాళ్ళు.అయితే ఒక వంక తో రష్యన్లు కొంత కాలం,ఇంకో వంక తో అమెరికన్లు అక్కడ తిష్ట వేశారు.
బంగారం,ప్లాటినం,చమురు నిల్వలు వంటి ఖనిజసంపద కి లోటు లేదు ఆ దేశం లో. అయితే వాటిని పైకి తవ్వి వినియోగించుకుని అమ్ముకుని దేశాభివృద్దికి వాడుకునే చిత్తశుద్ధి మాత్రం అక్కడి నాయకులకి ఎంత మాత్రం లేదు.ఒకానొక సమయం లో పూర్తి ప్రజాస్వామ్య భావజాలం నిండిన ప్రభుత్వాలు విలసిల్లిన కాలం ఒకటి ఉండేది.అది గత చరిత్రయే అయింది.
ప్రస్తుతం ఇస్లామిక్ దేశం గా మారిపోయే తరుణం వచ్చింది.షరియా లా అమలు అవుతుంది అంటున్నారు.ఎప్పుడో మధ్య యుగాల్లో ఏర్పాడిన ఆ జీవిత విధానాన్ని ఇప్పుడు అమలు చేయడం ఈరోజుల్లో సాధ్యమా..? విచిత్రంగా అవిశ్వాసులు లేదా కాఫిర్లు తయారు చేసిన అధునాతన తుపాకులు,లాన్ చెర్లు, కంప్యూటర్లు చక్కగా వినియోగిస్తారు. అక్కడ ఏ మత సూత్రాలు అడ్డురావు.ఇదొక రకమైన సామ్రాజ్య వాదం మతం పేరు మీద.
భవిష్యత్ ఎలా ఉండబోతుందో చూద్దాం.
కామెంట్‌లు లేవు:
కామెంట్‌ను పోస్ట్ చేయండి