పోటీ చేసిన రెండు చోట్ల ఓడిపోవటం..అదీ ఆ రెండు చోట్ల కూడా కాపు సామాజిక వర్గం గణనీయం గా ఉన్నా ఓటమి చవి చూడటం పవన్ కళ్యాణ్ ని సొంత సామాజిక వర్గం కూడా తిరస్కరించినట్లు గానే భావించాలి. కేవలం బాబు వ్యూహం లో ఓ పావు గా మాత్రమే తను ఉపయోగపడుతున్నాడని గమనించినందునే అలా జరిగింది. ఇవాళా రేపు ప్రతి ఓటరు ఆలోచిస్తున్నాడు.నేతలు ఏమి చేస్తున్నారు.ఎలా దండుకుంటున్నారు.అంతా ఆలోచిస్తున్నారు.డబ్బులు తీసుకున్నా ఎవరికి ఓటు వేయాలో వాళ్ళకే వేస్తున్నారు.సినిమా నటులని దైవాంశ సంభూతులు గా చూసే కాలం పోయింది.వారి డవిలాగులు,హావ భావ విన్యాసాలు చూసి పొంగిపోయి ఓట్లు వేసే రోజులు పోయినాయి.ఎన్నికల సమయం లో హడావుడి చేసి పబ్బం గడుపుకుందామంటే కుదరని రోజులు ఇవి.
కొన్ని ఏళ్ళ పాటు ప్రజా క్షేత్రం లో ఉంటూ పాటుపడుతుంటూనే పదవులు వస్తాయి. కొన్ని సార్లు దశాబ్దాలు ఎదురు చూడాల్సిన పరిస్థితి.ఇమ్రాన్ ఖాన్ లాంటి ప్రపంచ స్థాయి క్రికెట్ గ్లామర్ ఉన్న వాడే ఎన్ని ఏళ్ళు వెయిట్ చేస్తే ఆ పదవి లోకి వచ్చాడు..? ఇంకొకరి కింద తాబేదారు గా ఉంటూ రాజకీయ వ్యూహాలకి ఉపయోగపడినందు వల్ల పవన్ కి తాత్కాలిక లాభం ఉండవచ్చునేమో గాని తన సొంత సామాజిక వర్గం లో నే తను విశ్వసనీయత కోల్పోయాడు.బహుశా అది కూడా కొంత మంది వ్యూహాల్లో ఓ భాగమేనేమో..!
కామెంట్‌లు లేవు:
కామెంట్‌ను పోస్ట్ చేయండి