విక్రం సినిమా అనగానే వెరైటీ కధ,దాన్ని అన్నిరకాల మషాళా లతో వండుతారని సాధారణ ప్రేక్షకుడు వెళతాడు. ఏ మాటకి ఆ మాట తమిళ దర్శకులు కాస్త విన్నూత్న ఐడియాలతో ముందుకు పోతారని భావిస్తుంటాం.విదేశీ సినిమాల్ని కాపీ కొట్టినా ఆ వాసన పెద్ద గా తగలకుండా దేశీ తమిళ్ దనాన్ని చొప్పించడం లో వాళ్ళు సిద్ధహస్తులు. అయితే ఈసారి మటుకు విక్రం తో ఒక రకమైన సినిమా తీశారు.ఇంగ్లీష్ సినిమా లా ఉంది గాని దేశీ సినిమా.కధా విధానం లోనే తెలిసి పోతూ ఉంటుంది.పాయింట్ బ్లాంక్ అనే ఓ విదేశీ సినిమా కి దగ్గర గా ఉందని.
విక్రం గడ్డం,టాటూ లు,సిగార్ స్మోకింగ్ లూ గట్రా గమ్మత్తు గానే ఉన్నాయిలే గాని.అసలు సరుకు లో ఉండాలి గా క్వాలిటి.మలేషియా లో జరిగే కధ ఇది.డబుల్ ఏజెంట్ గా పనిచేసే ఓ వ్యక్తి కధ.దీనికి తోడు ఓ ఉప కధ అక్షర హాసన్,అభి హాసన్ లతో..! దానిలోనూ క్లారిటీ లేదు.చివరి లో వచ్చే వయలెన్స్ సీన్లు చికాకు తెప్పిస్తాయి.మలేషియా పోలీస్ స్టేషన్ లోకి పోయి అంత కధ ని నడపవచ్చా ,అదీ పోలీస్ లు వెదికే మనిషి.ఎందుకో చాలా సీన్లు వాస్తవానికి దూరం గా ఉన్నాయి.
జిబ్రాన్ మ్యూజిక్ ఫర్లేదు.ఫోటోగ్రఫీ ఓకె. ఒకసారి చూసి ఆనందించవచ్చు.లేదా చూడకపోయినా పెద్ద విచారించాల్సిన పని లేదు.
కామెంట్‌లు లేవు:
కామెంట్‌ను పోస్ట్ చేయండి