జెనిల్ దేశాయ్ అనే గుజరాతి విద్యార్థి అమెరికా లో ఎం.ఎస్. చదువుతూ తన అనుభవాల్ని ఈ విధంగా రాశాడు. ఇంకా రాయడానికి ఓ బుక్ అంత ఉంది గానీ ముఖ్య అంశాలు మాత్రం ప్రస్తావించడం జరిగింది.
యు.ఎస్. లో మీరు గొప్ప రాక్ స్టార్ అయినా, మామూలు మనిషి అయినా గొప్ప తేడా ఏమీ ఉండదు.మామూలు గానే చూస్తారు.
ప్రతి విషయాన్ని సొంతగానే నేర్చుకోవాలి.
జీవితం ఇక్కడ స్ట్రగుల్ గా ఉంటుంది. కాని దానికి తగ్గ వినోదం కూడా ఉంటుంది. నిజమైన ప్రపంచం ఏ సూత్రాల మీద పని చేస్తుందో అర్థమవుతుంది.
ఏ ఫీల్డ్ లో గానీ అనుభవం అనేదానికి ఎక్కువ విలువ ఉంటుంది.
లైబ్రరీ లో చదువుతూ ఎక్కువ సమయం గడపవలసిందే. ప్రతి చిన్న విషయాన్ని ప్రొఫెసర్స్ చెప్పరు.
ఏదీ ఉచితం గా రాదు. ప్రతిదాన్ని శ్రమించి పొందవలసిందే.
చాలామందికి మనకన్నా ఎక్కువ విషయాలు తెలిసిఉంటాయి.అది మనకి తెలిసిపోతూనే ఉంటుంది.
ఇక్కడ ఏ భారతీయునికి ఇంకో భారతీయుడు సాయపడడు. ఇదొక చేదు నిజం.
సీనియర్స్ ముందు కొద్దిగా హెల్ప్ చేసినా, సెమిస్టర్ మొదలయితే వాళ్ళు ఆ తర్వాత హెల్ప్ చేయరు.కాబట్టి సీనియర్స్ మీద ఎక్కువ ఆధారపడకూడదు.
మనతో ఏదైనా పని ఉంటేనే జనాలు పిలుస్తారు. దేనికి ప్రతిస్పందించాలో మనం నిర్ణయించుకోవాలి.
కామెంట్‌లు లేవు:
కామెంట్‌ను పోస్ట్ చేయండి