క అనేపేరే ఓ సినిమా కి పెట్టడం వెరైటీ గా ఉంది. డైరెక్ట్ తెలుగు సినిమా ల్లో కొత్తదనం లేదనే వాళ్ళకి సమాధానం లా ఉంది. ఇలాంటి ప్రయోగాలు చేసే యువతరాన్ని ప్రోత్సహించవలసిన బాధ్యత అందరి మీదా ఉంది. సినిమా రెండు లేయర్ల లో సాగుతుంది.ఒకటి తనలో తనకి జరిగే ఘర్షణ.అది గదుల్లో బంధించి మనషుల్ని టార్చర్ చేసే సీన్లు.అవి నిజానికి ఎవరో కాదు.ఎవరికి వాళ్ళే. అది అందరికీ అర్ధం కావడానికి కొద్దిగా కిందికి దిగి కథ చెప్పడం జరిగింది.
అనాథ పిల్లవాడి గా బాల్యం గడిపిన హీరో తన అలవాట్లు ఏ విధంగా కర్మ బంధమై తనకి చుట్టుకున్నాయి అనేది ఇంకో ఉపకథ లో జోడించి చక్కగా చెప్పారు దర్శకులు.రెండు కథల్ని కలపడం దానికి తగిన నేపథ్యాన్ని రూపొందించడం మామూలు విషయం కాదు.గ్రామీణ వాతావరణం,పోస్టల్ శాఖ పని,అక్కడ నుంచి జరిగే గర్ల్స్ ట్రాఫికింగ్ సహజత్వానికి దగ్గరగా ఉండి మన పక్కనే కథ నడుస్తున్న అనుభూతి కలుగుతుంది.
ఇటీవల కాలం లో తెలుగు లో వచ్చిన ఓ ఆలోచనాత్మక సినిమా అని చెప్పాలి.చెన్నయ్ లో కూడా ఆడియన్స్ బాగుందని రాస్తున్నారు.అక్కడ థియేటర్లు కొన్ని పెంచమని ఈ సినిమా వాళ్ళు అడిగితే నో అన్నారట.తమిళ సినిమా ఏ మాత్రం వెరైటీ గా ఉన్నా మనం బ్రహ్మరథం పడతాం. కానీ మన తెలుగు సినిమా కి తగినన్ని థియేటర్లు ఇవ్వకపోవడం శోచనీయం.
క సినిమా లోని సైడ్ పాత్రలు కూడా బాగున్నాయి.హీరోయిన్ గా వేసిన అమ్మాయి,అలాగే టీచర్ గా నటించిన అమ్మాయి బాగున్నారు.సస్పెన్స్ ని అనేకచోట్ల పెట్టడం తో సీట్ల కి అతుక్కుపోయి చూసే పరిస్థితి ఉంటుంది.కృష్ణగిరి అనే ఆ గ్రామం సినిమా అయిపొయిన తర్వాత కూడా ప్రేక్షకుల మదిలో గుర్తుండిపోతుంది.సంగీతం,ఫోటోగ్రఫీ బావున్నాయి.పాటలు లేకపోయినా సినిమా కి పెద్ద లోటు ఏమీ ఉండదు.
కామెంట్‌లు లేవు:
కామెంట్‌ను పోస్ట్ చేయండి